ኬንያ ያሉ ስደተኞች ብሦት ቀጥሏል

ዋሺንግተን ዲ.ሲ. - ናይሮቢ — 

ኬንያ ያሉ ስደተኞች ብሦት ቀጥሏል

ኬንያ በስደተኞች ላይ እያካሄደች ነው የሚባለው የአፈሣ እና የማሠር እርምጃ እስከትናንት ምሽት መቀጠሉ ተነግሯል፡፡

ትናንትናና ዛሬ ወደ 55 ኢትዮጵያዊያንና ከ86 እስከ 90 የሚሆኑ ሶማሊያዊያን ስደተኞች ወደ ሃገራቸው እንዲመለሱ መደረጉን ስደተኞቸ አመልክተዋል፡፡

ለቪኦኤ ያሉበትን ሁኔታ የተናገሩ ሰዎች እርምጃው አግባብነት የሌለውና ሥርዓትን የጠበቀ አይደለም ይላሉ፡፡

በሌላ በኩል ደግሞ “ሕገወጥ ፍልሰተኞች አሉ” በሚል ሰበብ ፖሊስ አፈሣውን ተገን አድርጎ ጉቦ እየተቀበለና እያንገላታታቸው መሆኑን እዚያ የሚገኙ የሶማሊያ ስደተኞች ለዘጋቢያችን ጌብ ጃሰሎ ነግረውታል፡፡

የኬንያ ፖሊስ ደግሞ ስለጉቦው ከጭምጭምታና ከሐሜት በስተቀር በይፋ የቀረበልኝ ክስ የለም ብሏል - ለቪኦኤ፡፡

ለዝርዝሩ የተያያዘውን የድምፅ ፋይል ያዳምጡ፡፡